Nora Gomringer: Die Spanierin

aus: Morbus. 2015. Voland & Quist.

ესპანელია, წარმოშობით კანზასიდან,

იქ სკანდალი რომ მოაწყო, მაგრამ... ახლა ჩუ!

ოლე! დაჰკრავს წითელი ფეხსაცმლის წვერს, 

რომ გაეცალოს სტაინბეკის აღწერილ ლანდშაფტს. 

ერთს გაიქროლებს ევროპაში ქარიშხალივით

და უსულ-უგულო სულელთა თავებს ჩამოამწკრივებს,

აღმოსავლეთის ავი ალქაჯი. 

იქ ახლა ომი მძვინვარებს და ბოროტ ნათქვამად გაიჟღერებდა,  

თითქოს სიკვდილი მოსულიყოს დასავლეთიდან.

მას შემდეგაა, რომ დადუმდა ყველაფერი  

და მდუბარება არის შავი, თეთრზე ნაწერი.

(თუკი ვინმე შეაღწია, ყველა გათანგა - აკი ჯადოსნურ ოზშიც ასეა).

ეს კანზასელი გოგონა დღეს

ხანდასმული ქალბატონია, 

ისტორიულ წიგნებშია სტუმრად წვეული.

აგურით მოკირწყული გზა ხომ

ცეკვით უშვებს წითელ ფეხსაცმელს,

გადაურბინონ ოც მილიონ საფლავის ქვას,

დედამიწის მომრგვალო ბურთზე, 

დასახლებულს ტყეკაფიებით, ლომებით და საფრთხობელებით,

დღეს ერთი დიდ ფილმად რომ ქცეულა,

გარდაცვლილთა ცეკვის სცენებით. 

 თარგმნა : ბელა ჩეკურიშვილმა